1Leboh maya Allah Taala berengkah ngaga dunya enggau langit,a 2dunya endang apin bisi bakal tauka gamal. Leboh maya nya semina ribut ti deras bisi bepuput atas tasik besai ti agi petang. 3Nya alai meda dunya agi petang dia Allah Taala lalu bejako, ko iya, "Awak ka dunya qisi penampak,'' nya alai dunya lalu tampak. 4Lalu penampak nya dipeda Allah Taala manah. Lepas nya iya lalu nyerara penampak enggau pemetang; 5Lalu penampak nya dikumbai iya "siang", nyadi pemetang dikumbai iya "malam". Siang nyau nyadi malam, a pus hari ti keterubah.
6- 7Udah nya Allah Taala bejako baru, ko iya, "Awak ka ai disapat ngambi ka iya bebagi ba dua bengkah endor,'' nya alai ai lalu bebagi dua. Leka jako iya lalu nyadi. Nya alai Allah Taala lalu ngaga sapat kena nyerara ai ti ari atas enggau ti ari baroh sapat nya; 8lalu sapat nya dikumbai iya "langit". Siang nyau nyadi malam, apus hari ti kedua.
9Udah nya Allah Taala bejako baru, ko iya, "Awak ka ai ti ari baroh langit digelumu ka ba endor siti ngambi ka tanah tau ayan." Leka jako iya lalu nyadi. 10lya ngumbai tanah nya "darat" lalu ai ti udah degelumu ka iya ba endor siti dikumbai iya "tasik". Lalu samoa utai nya dipeda Allah Taala manah. 11Udah nya iya lalu bejako munyi tu: "Awak ka tanah mansut ka samoa bansa utai tumboh, ti tau beleka enggau ti tau bebuah." Leka jako iya nya lalu nyadi. 12Udah nya tanah lalu mansut ka samoa bansa utai tumboh ti tau beleka enggau ti tau bebuah. Lalu samoa utai dipeda Allah Taala nya manah. 13Siang nyau nyadi malam, apus hari ti ketiga.
14Udah nya Allah Taala bejako baru, ko iya, "Awak ka utai ti meri penampak tumboh di langit kena ngelai siang enggau malam, enggau kena madah ka maya hari, maya taun enggau maya ngintu pengawa. 15Awak ka utai ti meri penampak nya manchar lalu nerang ka dunya.'' Leka jako iya lalu nyadi. 16Allah. Taala lalu ngaga dua iti pun penampak ti besai, iya nya mata panas ti manchar leboh siang hari, enggau bulan ti manchar leboh malam hari; lalu bintang mega digaga iya. 17lya ngator pun penampak di langit ngambi ka manchar ngagai dunya, 18manchar siang enggau malam, sereta nyerara penampak ari pemetang. Lalu samoa utai nya dipeda Allah Taala manah. 19Siang nyau nyadi malam, apus hari ti ke-empat.
20Udah nya Allah Taala bejako baru, ko iya, "Awak ka ai di-wan mayoh macham utai idup, lalu pia mega burong deka terebai di sebarang end or." Leka jako iya lalu nyadi. 21Nya alai Allah Taala ngaga jelu tasik ti besai sereta nyelai, samoa utai idup dalam ai, enggau samoa bansa burong. Lalu samoa utai ยท nya dipeda Allah Taala manah. 22Iya lalu merekat ka sida munyi tu: "Awak ka utai ti idup dalam ai beranak betelesak menoh ka tasik, lalu burong mega betambah mayo h.'' 23Siang nyau nyadi mal am, a pus hari ti kelima.
24Udah nya Allah Taala bejako baru, ko iya, "Awak ka tanah mansut ka samoa jelu tupi, jelu babas enggau samoa utai ti ngerayap." Leka jako iya nya lalu nyadi. 25Nya alai Allah Taala ngaga samoa bansa jelu tupi, jelu babas enggau samoa utai ti ngerayap. Lalu samoa utai nya dipeda Allah Taala manah.
26Udah nya Allah Taala lalu bejako munyi tu: "Diatu kitai deka ngaga mensia sabaka enggau gamal kitai. Iya deka bekuasa atas ikan, atas burong, atas jelu tupi, atas jelu babas enggau atas utai ti ngerayap." 27Nya alai Allah Taala lalu ngaga mensia neladan gamal iya empu. Siko mensia nya lelaki lalu siko indu. 28Allah Taala lalu merekat ka saduai munyi tu: "Awak ka saduai beranak betelesak menoh ka dunya sereta merintah iya. Aku meri saduai kuasa atas ikan, atas burong, atas jelu babas enggau atas utai ti ngerayap." 29Lalu ko Allah Taala, "Aku meri saduai samoa bansa utai ti beleka enggau utai ti bebuah ngambi ka bisi dempa saduai. 30Aku meri rumput enggau daun babas ka pemakai samoa burong enggau jelu babas sereta enggau samoa utai ti ngerayap." Leka jako iya lalu nyadi. 31Lalu Allah Taala meda samoa utai ti udah digaga iya nya manah bendar. Siang nyau nyadi malam, apus hari ti keenam.